2021/04/16 ostirala

Maldonado eta Ibai Perezek porrotik gabe jarraitzen dute ostiraleko garaipenaren ostean. Aurrelari argentinarrak eta Ibaik Pirellik duela zenbait urte egindako iragarkiak esandakoa bete dute (kontrolik gabeko potentziak ez du deus balio), frantziarrak ziren faborito baina porrot nabarmena jaso dute. Dena den, esan behar da aurrelari frantziarra giharreko minekin eta hotzikarekin zegoela pairatzen ari den hotzeri indartsu baten ondorioz.

Bigarren norgehiagokan 80 minutura arte iritsi da jokoa. Liderrak nagusitzen hasi dira eta zorte pixka bat alde izanda aurretik ipini dira lehendabiziko bi jokoetan. Dena erabakita zirudienean, ordea, urdinen erreakzioa iritsi da eta berdintzea lortu dute. Partida bosgarren joko erabakigarrira iritsi da. Gorriek irabazi dute joko hori, Iñakiren nekeak eraginda norberak erakutsitako trebeziagatik baino gehiago. Garaipen horrekin lidergoan jarraitzen dute beste astebetez.

2021/04/17 larunbata

Fusto - Del Rio nagusitu egin dira Garate – Ruizen aurrean, baina ez estutasunik gabe. Bikote gorria oso indartsu hasi da eta horrek min egin dio oraindik modalitate eta maila honetara ohituta ez dagoen Sestaoko gazteari, izan ere, astero entrenatzen badu ere, 19 urte baino ez ditu eta hori nabaritu egiten da.Norgehiagoka berdinduta egon da joko guztietan, lehendabizikoan izan ezik. Garate bere maila hartzen ari da pixkanaka eta Davidekin batera hirugarren jokoa bereganatzea lortu dute joko horretako tanto guztiak oso ongi jokatuz. Laugarrena berdinduta egon da seigarren tantora arte. Orduan gorriek patxada gehiago erakutsi dute eta sailkapeneko hirugarren postua eskuratzeko egiaz garrantzitsua den garaipena lortu dute.