Fusto eta Del Riok Aste Nagusiko finala irabazi dute. Emaitza (3-0) engainagarria da, izan ere, joko guztiak azken tantoetan erabaki dira, baina urdinen aldekoak izan dira kasu guztietan. Pablok koadro alaietan erakutsi duen nagusitasunari eta Asierrek defentsan egindako lanari esker, pixkanaka tantoak beren markagailura igo dira, bikote gorriak lan txukuna egin arren.
Partidak 60 minutuko iraupena izan du eta hiru joko baino ez dira jokatu. Norgehiagoka zein gogorra izan den argi erakusten du horrek. Arratsaldeko lehen partidan Ibarguren eta Urrutiak lortu dute garaipena.
Emaitza hauekin, hauek izan dira St Geours de Marenmen datorren larunbatean jokatuko den finalerako sailkatu direnak: Necol eta Ibai Perez vs Fusto eta Urrutia.