Necol eta Urrutiak lortu dute garaipena joan den larunbatean jokatutako Kutxabank Ligako bigarren jardunaldiko lehendabiziko norgehiagokan. Ustez faborito zirenak partida galtzen hasi ziren baita seigarren martxa sartu ondoren modu argi eta sendoan irabazi dute Gaubeka eta Cambosen aurka. Necolek ipini du erritmoa pilotakada ugariko norgehiagoka ikusgarri batean.
Jardunaldiko bigarren partidan Garate izan da aktore nagusia. Sopelakoa kantxara itzuli da hainbat hilabetez min hartuta egon ondoren eta izuti nabaritu da, baina Ibarguren eta Ibai Perezen aurka galdu arren partidako onena izan den Gordonekin batera joko asko hedatu ahal izan du.