Irabazleen nagusitasuna bi partidetan. Gipuzkoako 4 palistek bizkaitarrek baino askoz ere maila altuagoa dute eta bi partidetan ongi frogatuta geratu da hori. Lehendabiziko norgehiagokan Zeanuriko (Landajo) atzelariak ez die joan den asteko jokoa erakusten utzi eta horrek min eman die bikote horren indartsu baten aurrean.

Bigarren partidan, gauza bera. Irabazleak nagusitasun nabarmena erakutsi dute. Miren Larrarte, oso gaztea bada ere, afizionatu mailako jokalari onenetakoa da eta haren atzelariak eskuin oso indartsua du. Datorren astea hil ala bizikoa izango da, izan ere, bi irabazleek finalerako txartela eskuratuko dute.