Dagoeneko baditugu finalistak larunbat honetako jardunaldiaren ostean. Gaubeka eta Del Riok Ibarguren eta Ibai izango dituzten aurrez aurre gure kantxan datorren ekainaren 11n, arratsaldeko 15:00etan.

Lehen partida:
Gaubeka-Del Rio: 3
Maldonado-Gordon: 1
(4/10,10/5,10/3,10/8)

Gaubeka-Del Rio bikotea finalean sartu da lehendabiziko jokotik aldapa gora jarri zaien norgehiagoka irauli ondotik. Lezamako atzelaria onena izan da, partida hasieran zalantzati aritu bada ere. Bizkaitarrek joko oso ona erakutsi dute bikote modura eta horrek eman die garaipena.

Bigarren partida:
Fusto-Ruiz: 2
Ibarguren-Ibai Perez: 3
(10/9,10/6,5/10,2/10,3/10)

Ibarguren eta Ibai finalean sartu dira nahi baino gehiago sufritu ondoren. Bikote faboritoa 0-2 galtzen hasi da eta, gainera, Ibarguren arratsalde tamalgarria izaten ari zen. Sestaoko atzelariak dena izan du kontran eta finalean sartzeko gai izan da. Fusto eta Ruizek datorren larunbatean finalean izateko aukera ezin hobea galdu dute.

Partidak berriro ikus ditzakezu ETB nahieran plataforman.