Irailaren 27an, igandean, 11:30ean, Bizkaia Trinketeak Bizkaia Txapelketako finalak hartuko ditu.

Emakumezkoen gomazko paletan, Salanueva – Gorostiaga eta Dutaret – Argitxu ariko dira aurrez aurre. Bi bikoteek sailkapen-ligan ere jokatu zuten elkarren aurka, eta partida oso parekatua izan zen: hirugarren eta azken jokoan, alde txikiz, bikote nafarraren alde erabaki zen. Igandean berriro neurtuko dituzte indarrak, oraingoan titulua jokoan dutela.

Gizonezkoen larruzko paletan, Indurain – Ramos bikotea partidarik galdu gabe iritsi da finalera, sailkapen-ligako hiru partidak irabazita. Urdanoz – Iribarren bikotea izango du aurkari, sailkapeneko bigarrena. Ligako norgehiagokan ere aurrez aurre aritu ziren, eta Indurain – Ramos bikoteak gogotik lan egin behar izan zuen garaipena eskuratzeko.

Informazio gehiago agendan.

Testua eta argazkiak: INNPALA