Datozen asteetan, Bizkaia Frontoian jokatuko dira Kutxabankeko emakumezkoen eta gizonezkoen pala-lehiaketen hainbat jardunaldi. Bi lehiaketetako finalak abenduaren 18an jokatuko dira.
Emakumezkoen liga
Zortzi palista ariko dira: lau aurrelari eta lau atzelari. Bikoteak jardunaldiz jardunaldi aldatuko dira. Bizkaia Frontoian bi jardunaldi jokatuko dira, abenduaren 4an eta 11n; beste biak Zierbenan (abenduaren 6an) eta Zallan (abenduaren 13an) izango dira.
Gizonezkoen liga
Sei bikotek jokatuko dute bigarren fasea, bi multzotan banatuta: aurreko faseko lehen bi bikote sailkatuak eta beste lau bikote berri. Jardunaldiak ostiraletan izango dira, 19:00etan, azaroaren 20an eta 27an eta abenduaren 4an eta 11n. Multzo bakoitzean lehen postuan geratzen den bikotea finalera igaroko da.
Jardunaldi bakoitzeko partidak frontoiaren agendan kontsulta daitezke.
